Alf Hulbækmo er musikar med utdanning i jazzpiano, arrangering og komponering og kyrkjemusikk fra konsen i Trondheim. Han har mellom anna komponert verket "Skumringsbarda" for Trondheim Jazzorkester. Det vart urframført i Molde Domkirke sommaren 2021. På Diktardagar deltek han under opninga fredag, under middagen fredag kveld og på seminaret laurdag.

Åsne Sørlie-Nordnes frå Vågå studerer på Teaterhøgskolen ved Kunsthøgskolen i Oslo. Under Diktardagar vil Åsne delta på litteraturseminaret laurdag. Saman med Ingrid Blessom og Nina Ophaug skal ho snakke om det å følgje draumen.

Astrid Garmo er frå Garmo i Gudbrandsdalen. I dag jobbar Astrid frilans som felespelar, gitarist og bassist i band på tvers av sjangrar. Ho er å høyre i prosjekt som Pumpegris, scoreboard, Future Nostalgia og Ester & Astrid. I 2024 gav Astrid ut den første soloskiva si, Sjugurd. Under Diktardagar opptrer Astrid saman med Jonathan Lengali i Domen på Soleggen.

Bjarne Tormodsgard har arbeidd som journalist og redaktør i fleire norske aviser. Han var redaktør av Hallingdølen i 18 år. Under Diktardagar skal Tormodsgard saman med Camilla Granlien stå for Tor Jonsson-programmet ved Stusslegstugu laurdag 5. september kl.16.

Bjørn Kåre Odde (fødd 1990) er felespelar, folkemusikar og komponist frå Lom. Han har fått fleire prisar og har brei erfaring som komponist. I 2014 hadde han rolla som spelemannen i musikalen «Spelemann på taket» ved Det Norske Teatret. Under Diktardagar er han med på framsyninga Himmelvarden.

Bobbie Peers skal vitje 8.klassingane i Skjåk, Lom og Vågå under Diktardagane 2026. Han er mest kjend for barnebokseriane om Oppdagerklubben og William Wenton, men har og skrive bøker for vaksne og hevda seg som vitseteiknar. 

Camilla Granlien er ein norsk kvedar og folkesongar. Ho er særleg kjent som formidlar av tradisjonsmateriale frå Gudbrandsdalen. Under Diktardagar skal Camilla saman med Bjarne Tormodsgard stå for Tor Jonsson-programmet ved Stusslegstugu laurdag 5. september kl.16.

Endre Skjåk står bak gruppa Jotunheimen Underholdning. Han har erfaring frå mellom anna Kristinspelet på Sel og Teater Innlandet. På Diktardagar deltek han med prosjektet «Diktardraumar» saman med andre frå Jotunheimen Underholdning. Han skal også leia Steinkastvandringa søndag.

Forfattar og lektor Erling Andre Westgaard Flote debuterte med ungdomsromanen «Utveg» i 2024. Boka vart nominert til Kulturdepartementets barne- og ungdomsbokpris, og NBUs debutantpris Trollkrittet. På Diktardagar deltek Erling på bokbadet på seminaret for ungdom fredag.

Even Lusæter er journalist, musikar og formidlar. I 2023 vart han kåra til Årets gudbrandsdøl saman med Hans Andreas Solbakken for NRK-programmet «Sykkelsommer». Under Diktardagar er han med på framsyninga «Himmelvarden».

Gaute Heivoll har gjeve ut fleire titals bøker for barn, ungdommar og vaksne. Han har fått ei rekkje prisar, og er aktuell med ny bok i haust. Under Diktardagar skal Gaute besøkje bibliotek og delta på bokbadet laurdag kveld.

Ingrid Blessom frå Vågå er psykolog. Saman med familien restaurerer ho eit freda hus frå 1700-talet. Prosjektet er følgt i TV-serien Nytt liv i gamle hus. På Diktardagar vil Ingrid snakke om kva det vil seie å følgje ein draum som handlar om noko større enn ein sjølv - å setje i stand for æva.