Nina Ophaug (fødd 1974) er utdanna lærar og rektor, og har arbeidd i skulen i om lag 20 år. Nina er opphavleg Skjåkjente som bur på småbruket Nordihågå i Nordherad med familie, hest, sau, kattar og hund. Ho er gift med Jo og er mor til fire. Dei siste åra har Nina utdanna seg til yogalærar. Nå er  ho i ferd med å byggje opp garden og setra for mellom anna gardsturisme tufta på yoga, levande kulturarv og nærkontakt med husdyr. Under Diktardagar vil Nina Ophaug delta på litteraturseminaret laurdag. Saman med Ingrid Blessom og Åsne Sørlie Nordnes skal ho snakke om det å følgje draumen.