Sanna Sarromaa (fødd i Lahtis, Finland, 1979) er historielektor, sosiolog og forfattar busett på Lillehammer. Ho har ein doktorgrad i sosiologi i temaet kjønnsforskning. I tillegg til sitt politiske engasjement, har Sanna vekt merksemd med sine mange kritiske kronikkar både i Gudbransdølen Dagningen og i VG om m.a. latskap i norsk arbeidsliv, dårleg rettskriving, klagekultur, dialektar og norsk språkpolitikk. Ho har gjeve ut bøkene «Norske tabuer; om likhetens tyranni, språk som religion og hellige mødre«« (2016), «Skilsmisseboken – En overlevelsesguide« (2019), og er i år aktuell med boka «Skilsmissebarna – historiene som ikke er fortalt«. I 2022 deltek Sarromaa som festtalar under Opning av Diktardagar og som debattant på Litteraturseminaret.

Foto: Cecilie Owren