CAMILLA GRANLIEN MED TOR JONSSON-PROGRAM

Portrett av Camilla Granlien.

Årets arrangement ved Stusslegstugu er ved musikar Camilla Granlien. Med seg har ho Bjarne Tormodsgard, som held foredrag om Tor Jonsson og hallingdølen. Tormodsgard frå Ål har arbeidd som journalist og redaktør i fleire norske aviser. Det meste av tida har han jobba i avisa Hallingdølen. Der var han redaktør i 18 år. Tor Jonsson kom til Hallingdølen våren 1946. Her arbeidde han som redaktør ein periode før han sa farvel til journalistikken.

Camilla Granlien frå Lillehammer er godt kjent i bygdene våre. Ho er formidlar av tradisjonsmateriale frå Gudbrandsdalen. Saman med dei andre i Camilla Granlien Band gav ho i 2008 ut plata Jarnnetter. Plata inneheld tekster av Tor Jonsson og Olav Aukrust. I mai 2025 kom Camilla med plata Kjærleik, liv og død. Ho har sjølv skrive melodiane på plata til tekster av Tor Jonsson.

Tor Jonsson-programmet ved Stusslegstugu er laurdag 5. september kl.16.