Olaug Nilssen har ei markert og viktige stemme i norsk litteratur. Ho fekk Brageprisen i 2017 for «Tung tids tale». Ho har skrive bøker i mange sjangrar og kom med boka «Ikkje tenk på det» våren 2019.

Stein Torleif Bjella er frå Ål i Hallingdal. Han er visekunstnar og har gjeve ut fire soloalbum. Under Diktardagar held han intimkonsert på Brimibue fredag kveld.

Brit Bildøen er ein av våre fremste samtidsforfattarar. I 2018 kom boka «Tre vegar til havet», som skildrar avmakt i møte med byråkratiet, og kva desperasjon kan gjere med eit menneske.

Sigmund Løvåsen har skrive fleire romanar og skodespel. I fjor haust kom han med diktsamlinga Med øksene dei haustar inn.

Cato Schiøtz er fyrst og fremst ein profilert norsk advokat, men har er er også litteraturelskar, og han har bygd opp ei av landets største private boksamlingar.

Dag Inge Bakke er ein aktiv friluftsmann, han har hatt arbeidet sitt i og med med fjell i 25 år, såleis har han fått med seg ein del endringar som har skjedd – og som er i ferd med å skje.

Damer i D-dur er ein sekstett frå Vågå og Lom som har sunge saman i eit tiår. Dei er ei acapellagruppe som leikar seg innanfor fleire sjangrar.

Erik Vassenden er professor i nordisk litteratur ved Universitetet i Bergen, han har særleg interesse for nynorsk lyrikk.

Hildegunn Hovde er utdanna klassisk songar, men er allsidig innanfor ei rekke ulike sjangrar.

Jan Inge Sørbø er litteraturvitar, forfattar og journalist, har er professor i sosialfag ved høgskulen i Volda. Han står mellom anna bak biografien «Ørneflukt og ormegard» frå 2009 om Olav Aukrust.

Nina Witoszek-Fitzpatrick, også kalla Walentyna eller Nina Witoszek, er ein polsk/irsk/norsk litteraturvitar, kulturhistorikar og forfattar som vart tildelt Fritt Ord-prisen i 2005.

Aslak Brimi og Mari Midtli er to av våre fremste folkemusikarar. Denne gongen har dei med seg strykekvintett frå Sinfonietta Innlandet.

Kirsti Blom har skrive ei rekke bøker for både born og vaksne, både romanar, diktsamlingar, novellesamlingar og faktabøker.

Mette og Vegar Vårdal samarbeider denne gongen med Camilla Granlien og Halvor Kjerkreit.

Endre Skjåk har ein bachelorgrad i drama/teater frå NTNU i Trondheim. Han har erfaring frå Kristinspelet på Sel, og Teater Innlandet. Endre står bak den musikalske reisa Vindsus i fjell under festkvelden i Utgard.

Even er heidøl, fødd i 1979, nå busett i Vågå. Han har studert nordisk og historie på Universitet i Oslo og jobbar i NRK Hedmark og Oppland. Han har sitt eige føretak og spelar fele og framfører dikt.

Magnhild Bruheim er fødd og oppvaksen i Skjåk. Ho bur nå på Lillehammer og arbeider som frilans journalist og forfattar. Magnhild har skrive i alt 16 bøker, seks av dei er krimbøker, seks er spenningsbøker for ungdom.

Guri Sørumgård Botheim (f.1978- ), er opphavleg frå Lesja. Ho er utdanna cand.philol. og har hovudfag i litteraturvitskap frå NTNU. Botheim har arbeidd i bokhandel, som kulturkonsulent og timelærar, og er avdelingsleiar ved Norsk Forfattersentrum Midt-Noreg i Trondheim.