Kjell Marius Snipen og Øystein Haugan er dei to aktørane i Dåm. Viss du slår opp ordet dåm i ordboka så lyder forklaringa: Duft, preg eller stemning. F.eks.»Det kviler en egen dåm over bygda». Og stemning blir det når denne duoen tek scenen. Dei har gjennom fleire år utvikla eit eige og originalt uttrykk med røter i hip-hop, men med forgreningar ut i det ymse. Med sitt definert positive lydbilete, humoristiske og kvardagsfilosofiske tekster på klingande dovremål har dei hausta ein betydeleg skare livsglade tilhengarar. Dei har spela på store festivalar og i små grendehus, i bryllaup og i bursdagar, i bygd og i by, på grasrot og på asfalt.