Diktardagar 2020 – Historie og historier

Diktardagar 2020 blir arrangert torsdag 3. til sundag 6. september. Temaet i år vil vere «Historie og historier». Som tittelen seier vil det bli mange gode historier, men også refleksjon kring historie.

2020 er eit år mange mange jubileum, og det er spesielt to 100-årsjubileum vi kjem til å markere, at det er 100 år sidan Kjell Aukrust vart fødd, og at det er 100 år sidan Knut Hamsun fekk Nobels litteraturpris for Markens Grøde.

Så langt kan vi mellom anna fortelje at det blir eit gjensyn med Sigmund Løvåsen som gjev ut biografi om Kjell Aukrust i 2020, det blir også frekke viser og erotiske eventyr med Torstein Andersen og Elfi Sverdrup og hiphop frå Dombås med gruppa Dåm.

Som alltid blir det både seminar, festkveld og bokbad laurdag. Programmet for torsdag, fredag og sundag vil vi kome nærare attende til. Arenaer i år vil mellom anna vere Ullinsvin, Aukrust gard og Sota Sæter. Elles vil både skular, bibliotek og helseheimar få besøk.