Dagfinn Nordbø og Det Norske Poesi & Satireorkester driv med humor og satire til jazzmusikk. Dagfinn Nordbø som står for opplesing og song, har med seg musikarane Vigleik Storaas, piano og komposisjon, og Gaute Storaas, kontrabass og komposisjon.
Dagfinn har 20 år med erfaring som tekstforfattar for NRK P2s satireprogram Hallo i Uken. Han har også jobba som tekstforfattar for Nitimen, Reiseradioen og HumorXtra. Han har vore fast kommentarspaltist for VG Søndager sidan 2010, skrive tekstar for ei rekkje show og komikarar som Shabana Rehman, Rune Andersen, Dennis Storhøi, Espen Beranek Holm m.fl. Vigleik Storaas er ein av Norges leiande jazzpianistar og har spelt med bl.a. Knut Riisnæs, Chet Baker, Niels Henning Ørsted Pedersen og Karin Krog. Gaute Storaas er jazzmusikar, komponist og arrangør og produsent av musikkutgjevingar. Instrumentet hans er bass, og han har særleg komponert musikk for TV og film. Dagfinn Nordbø og Det Norske Poesi & Satireorkester kan du oppleva på Lunsj og lyrikk på Bakeriet i Lom og på pubkveld på Nordalsfjoset laurdag.